தொழில்முனைவோர் பண்புகள் என்றால் என்ன?
ஒரு தொழிலை சிறப்பாக செய்து முடிப்பதற்கு தொழில்முனைவோர் அடிப்படையாக பெற்றிருக்கவேண்டிய முக்கியமான குணாதிசியங்களை தொழில்முனைவோரின் சீரிய பண்புகள் என்றழைக்கப்படுகின்றது. புதிதாக தொழில் முனைய விழைவோர் அனைத்து குணநலன்களையும் கொண்டவராக இருக்கமாட்டார். அவரிடம் இல்லாத குணநலன்களை படிப்படியாக வளர்த்துக்கொள்ள வேண்டும்.
தொழில்முனைவோர் பெற்றிருக்கவேண்டிய சீரிய பண்புகள்
- தன்னம்பிக்கை
- புதிய சிந்தனை, சுய செயல்பாடு
- தகவல் சேகரித்தல்
- வாய்ப்புகளை உருவாக்குதல்- பயன்படுத்துதல்
- முறையான திட்டமிடல்
- விடா முயற்சி
- பிறரை தன்வயப்படுத்துதல்
- செல்வாக்கு யுக்திகளை பயன்படுத்துதல்
- தரத்திற்கான முனைப்பு
- செயலை முடிக்க முனைப்பு
- செயல்திறன்
- பிரச்சனைகளுக்கு தீர்வு காணல்
- வலியுறுத்தல்
- கண்காணித்தல்
- ஊழியர் நலனில் அக்கறை
தன் மீதும் தனது திறமை மீதும் பூரண நம்பிக்கை வைத்தல்,
ஒரு காரியத்தையோ, சவாலையோ வெற்றிகரமாக முடிக்க சந்திக்க தன்னால் முடியும் என்ற நம்பிக்கை வைத்தல்,
எதிர்ப்பு இருந்தாலும் தனது முடிவில் உறுதியாக இருத்தல்,
மற்றவர்கள் செய்யத் தயங்கும் ரிஸ்க்கான செயலை செய்தல்.
காரியத்தை முடிக்க சாதாரணமாக தேவைப்படுவதை விட கூடுதல் முயற்சி எடுத்தல்,
பிறராலோ அல்லது சூழ்நிலையாலோ உந்தப்படுவதற்கு முன்பே காரியத்தில் இறங்குதல்,
தொழிலை புதிய இடங்களில் புதிய பொருள்கள்-புதிய சேவை மூலமாக விரிவாக்க செயல்படுவது.
இலக்கை அடைய தேவையான தகவல்களை சுயமாக சேகரிக்க முற்படுவது.
சுயமாக சந்தை ஆய்வு செய்தோ, வல்லுநர்களை கலந்தாலோசித்தோ, தெரிந்தவர்கள் மூலமாகவோ தொழிலுக்கு பயனுள்ள தகவல்களை முயன்று சேகரித்தல்.
வாய்ப்புகளுக்காக சூழ்நிலையை கவனித்தல், கண்டறிதல் உடனடியாக அதை பயன்படுத்திக் கொள்ள நடவடிக்கை எடுத்தல்,
அசாதாரணமான வாய்ப்புகளையும் உருவாக்கி தொழிலுக்குத் தேவையானவற்றை அடைதல்.
இலக்கை அடைய சரியான படிப்படியான திட்டமிடல்
பெரிய செயலை சிறிய சிறிய செயல்களாக மாற்றி எளிதில் முடிக்கும் திறமை.
தடைகளை முன்னறிந்து திட்டமிடல்,
சீரான மற்றும் முறையான செயல் ஆற்றல்
தடைகளை தாண்டி இலக்கை அடைய திரும்பத் திரும்ப செயல்படுதல்,
பெரிய தடை வரும்போதும் மனம் சோராது செயல்படுதல்,
புதிய செயல்கள் மூலம் தடைகளை உடைத்தல்.
பிறரை தனது பொருளையோ, சேவையையோ வாங்க வைத்தல்,
நிதி உதவியோ அல்லது வேறு வகையான உதவியையோ தர சம்மதிக்க வைத்தல்
தனக்கு – தொழிலுக்கு சாதகமாக நடக்க வைத்தல்.
பலவிதமான யுக்திகளை பயன்படுத்தி பிறரை சாதகமாக நடக்க வைத்தல்,
புதிய தொழில் வாய்ப்புகளை உண்டாக்குதல், செல்வாக்கு மிக்க நபர்களை பயன்படுத்திக் கொள்ளுதல்
தனது தொழிலில் தற்போதுள்ள தரத்தையோ அல்லது அதையும் விட மேம்பட்ட தரத்திலோ பொருளை- சேவையை தர முனைப்புடன் செயல்படுதல்,
தனது பொருளையும் மற்ற போட்டியாளர்களின் பொருளையும் ஒப்பிட்டு தரத்தை மேம்படுத்த எப்போதும் முயலுதல்.
எடுத்துக் கொண்ட செயலை சொந்த செளகரியங்களையும் தியாகம் செய்து எப்பாடுப்பட்டாவது முடிக்க அரும்பாடு படல்.
செயலில் இறங்கும் போது ஏற்படும் பிரச்சனைகளுக்கு முழு பொறுப்பு எடுத்துக் கொள்ளல்.
வேலையாட்களோடு தோளோடு தோள் கொடுத்து நின்று செயலை முடித்தல்.
வாடிக்கையாளர் திருப்திக்கு முன்னுரிமை கொடுத்தல்.
வேகமாகவோ, குறைந்த செலவிலோ, குறந்த பொருட்களோடோ ஒரு செயலை முடிக்க வழிவகைகள் கண்டறிதல், செயல்படுத்துதல்,
செலவு குறித்து பூரண விழிப்புணர்வு கொள்ளல்.
இலக்குகளை அடைய புதிய அசாதரணமான தீர்வுகளை கண்டறிதல்,
தடை வரும்போது மாற்று தீர்வை செயல்படுத்துதல்
புதிய வழிமுறைகளை தொடர்ந்து கண்டறிய முனைதல்.
பிரச்சனைகளையும், கருத்து வேறுபாடுகளையும் மற்றவர்களோடு தைரியமாக நேரடியாக எடுத்து வைத்தல்,
மற்றவர்கள் செய்ய வேண்டிய பணிகளை எடுத்துரைத்து வேலை வாங்குதல்.
இலக்கை அடைய போட்ட திட்டப்படி செயல்கள் நடைபெறுகிறதா என்று அறிய நடைமுறைகளை உருவாக்குதல் – செயல்படுத்துதல்
தானே திட்டத்தின் அனைத்து அம்சங்களையும் செயல்பாடுகளையும் கண்காணித்தல்.
தொழிலாளிகளின் நலத்தை மேம்படுத்த செயல் ஆற்றுதல்
அவர்களுடைய சொந்த நலனிலும் அக்கறை கொள்ளுதல்.
ஆதாரம் : தொழில்முனைவோர் மேம்பாட்டு நிறுவனம்
இன்டரெஸ்டிங்
பதிலளிநீக்கு